Nagpakitang-gilas sa katulin ug maayong sportsmanship ang mga partisipante sa 2026 Panagsangka Table Tennis Tournament nga gipahigayon niadtong Hunyo 29 sa Multi-Sports Training Center sa Dipolog Sports Complex sa Barangay Olingan.
Kabahin ang torneyo sa mga kalihokan nga gipasiugdahan sa City Government of Dipolog isip pagpangandam sa pagsaulog sa ika-113 nga Adlaw sa Dipolog.
Nag-indigay ang mga empleyado gikan sa nagkalain-laing opisina sa lokal nga panggamhanan sa serye sa mga duwa nga nagpalig-on sa panaghiusa, kooperasyon, ug espiritu sa sportsmanship.
Kini nga Panagsangka 2026 nagpadayon sa pagdasig sa aktibong pamaagi sa panginabuhi samtang gipalig-on ang panagkahiusa sa mga empleyado isip kabahin sa selebrasyon sa founding anniversary sa siyudad.(IKEN B. GULLEM)
Source: Dipolog City Government