Nakab-ot sa 12 ka Child Development Centers (CDCs) sa Municipality of Polanco ang nasudnong quality standards sa Early Childhood Care and Development (ECCD) human sa malampusong ECCD External Assessment.
Sa 12 ka sentro, walo ang nakakuha sa Level 3 nga katumbas sa lima ka tuig nga pag-ila, samtang upat ang nakab-ot sa Level 2 nga equivalent sa upat ka tuig nga pag-ila.
Gipangunahan ni Mayor Shaia Ruth “Ying” Uy ang pagtunol sa Certificates of Recognition uban sa ubang lokal nga opisyal ug mga representante sa Municipal Social Welfare and Development Office (MSWDO) ug ECCD. Gitambongan usab sa ilang mga barangay officials ang mga Child Development Teachers ug Workers nga gipasidunggan.
Ang ECCD External Assessment nagsusi sa kalidad, kaluwasan, ug pagkaangay sa mga serbisyo nga gihatag sa Child Development Centers alang sa mga batang nag-edad og sayong pagkabata.(IKEN B. GULLEM)