Anaa na sa kulbahinam ang 4th Weekly Elimination sa KANTA ZANORTE nga gipahigayon sa Capitol Plaza , Estaka ning dakbayan sa Dipolog sa pagpasiugda sa kagamhanang probinsyal pinaagi ni Governor Rosalina “Nanay Nene” Jalosjos.
Sa adult category adunay napulo ka mga contestants diin, ang napili nga Grand Finalists mao sila si Edgar Pingkian nga taga lungsod sa Gutalac ug Richard Barbadillo gikan sa Dipolog City.
Nahimong mga resbakers sila si Elmer De la Torre sa Dapitan City, Richard Sy sa Obay, Polanco ug Ma. Therese Alipoyo sa Dipolog.
Samtang sa teen category sa napulo ka mga contestants, ang nahimong Grand Finalists sila si Willy Reynz Fuego sa lungsod sa Sergio Osmeña ug Arra Christine Bagatua sa Dapitan.
Samtang ang mga resbakers sila Edel John Acbayan gikan sa dakbayan sa Dapitan, BJ Magdalene Eramis sa lungsod sa Polanco ug Michael Bert Pahuway gikan sa Barangay Turno , Dipolog City.
Ang mga top 2 sa duha ka mga katergorya nakadawat kini ug tag 3,000 ka pesos ug kwalipikado na sa Grand Finals karong Disyembre 16, 2022, samtang tag 1,000 ka pesos usab ang madawat sa mga resbakers.
Usab, gibasihan sa mga hurado nga sila si Mr. Arnel Kwong, Randy Cabasag ug Alma Calasang ang criteria nga Over-all Performance, 50% ug Musicality, 50%.
Usa nalang ka elimination round ang kompetisyon karong December 10, Sabado ug gikatakda ang Grand Finals sa December 18.
(Source: Provincial Information Center Zanorte Facebook page)
