Gipunting sa Dapitan City ang sayong pag-detect ug paspas nga pagtubag sa mga makatakod nga sakit isip bag-ong direksyon sa pagpalig-on sa lokal nga health system, subay sa pakigtambayayong sa Department of Health (DOH) Region IX.
Sa usa ka courtesy visit nila Reynalyn P. Elshazly ug Mingkie S. Abdurahman, uban kang Evelyn Uy sa City Mayor’s Office, gipalawom niini ang plano alang sa Infectious Disaster Cluster Monitoring.
Laing anggulo sa inisyatiba mao ang pagtan-aw sa infectious diseases isip “disaster risk,” nga nagkinahanglan og organisado ug real-time nga monitoring system, sama sa ginabuhat sa ubang emergency response mechanisms.
Sumala sa DOH, ang maong pamaagi maghatag og mas lig-on nga pundasyon sa pag-andam sa siyudad batok sa outbreak, pinaagi sa mas paspas nga pag-identify sa kaso ug coordinated nga aksyon sa nagkalain-laing ahensya.
Pinaagi sa maong kolaborasyon, gilauman nga mapalig-on pa ang kapasidad sa Dapitan City sa pagdumala sa public health emergencies ug mapanalipdan ang katawhan batok sa posibleng epidemya.(IKEN B. GULLEM)
Source: City Government of Dapitan