Wala nay kinabuhi dihang gidala sa balay tambalanan ang lawas sa duha sa upat ka mga tinun-an,homan malumos kini didto sa may spillway area sa Dapitan River sa Barangay Singaran, La Libertad, Zambonga del Norte, alas 5:55 ang takna sa hapon, Abril 12,2025.
Ang mga biktima kinsa duha ka babaye ug duha ka lalaki nagpangidaron ug 18 ngadto na 19 anyos pulos estudyante, diin ang usa ka babayeng biktima nga 18 anyos ug usa nga Grade 12 student nga taga Barangay Poblacion, La Libertad, ang gideklarang patay nga gi rescue ug gidala sa Piñan District Hospital.
Sigon sa nasayran una nang gikataho nga missing ang ikaduha nga biktima nga usa ka 18 anyos usab nga residente sa Barangay Biasong, dakbayan sa Dipolog diin na-recover ang lawas niini ubos sa suba sa Purok 1, Barangay Opao, dakbayan sa Dapitan nga gideklarang patay na nga gidala sa Corazon Hospital sa Dipolog.
Sa pikas bahin ang laing duha ka mga biktima nga mga lalaki nga nag-edad og 18 ug 19 anyos, parehong mga tinun-an sa La Libertad ug Katipunan ang naluwas ug kasamtangang anaa karon sa Piñan District Hospital ug matod pa sa medical personnel nagtaho nga ang duha anaa sa stable nga kondisyon ug nakadawat og saktong pag-atiman.
Samtang ang mga lokal nga awtoridad, kauban ang mga personahe sa MDRRMO ug PNP, nagpadayon sa pag-imbestiga sa mga kahimtang nga misangpot sa insidente.
Ang LGU sa La Libertad nag-awhag sa publiko nga mag-amping kung duol sa mga suba ug bukas nga tubig ilabina sa panahon sa ting-init diin ang agos sa tubig mahimong mas kusog ug mas delikado kay sa gipaabot.
Ang lokal nga gobyerno ug mga hingtungdan nga ahensya nagpaabot sa ilang kinahiladman nga pahasubo sa mga pamilya sa mga biktima ug komitado sa pagpauswag sa mga lakang sa kaluwasan sa publiko nga mga lugar.(Medalyn U. Borja)
Source: ZNPPO