Ang kagamhanang lokal sa dakbayan sa Dipolog pinaagi sa Buhatan sa Panglawas, ang gapahinumdum pag usab sa tanang mga Dipolognons ingon man sa mga mubisita nga pagahinumdoman ang kabahin na sa padayong pagpatuman sa duha ka mga nag-unang ordinansa dinhi sulod sa dakbayan, mahitungod na sa Ordinansa no. 123 (Sanitation Ordinance) ug Ordinansa no. 196 (Anti-smoking Ordinance).
Ang maong pag pahinumdom pagbalik, kini gipahigayon sa nasampit nga buhatan sa unahan,diin nagsubay kini sa nahimong resulta sa gihimong accomplishments reports alang na sa bulan sa Marso, 2025,nga makita sa datus nga daghan sa gihapon ang nakalapas nga indibidwal sa maong ordinasa.
Subay sa nakitang resulta gikan sa maong accomplishment report, nga ilawom sa ordinansa 196, aduna kini nahitalang 131 ka mga paglapas, diin anaa lang sa napulo nakabayad sa ilang molta, ug samtang ubos usab sa ordinansa 123, adunay nahitala nga 131 gihapon ka mga paglapas, diin, sitenta (70) niini usab ang mibayad sa ilang mga molta.
Dugang sa pagsota niini nakita nga kadaghanan sa mga nakalapas ang dili residente ning dakbayan, ug nakita nga gikan sa mga kasikbit nga mga kalungsoran ning lalawigan, ug aduna usab nag gumikan sa gawas sa probinsya.
Matud pa hinungdan niini nga walay kasayuran ang mga dumuduong sa nasampit nga ordinsa sa siyudad o pagbalewala man lang sa maong ordinsa bisan sa kasayuran niini nga hangtud karon padayun sa gihapon nga gipatuman ang maong ordinansa sa siyudad. Sa nakitang hinungdan niini mao tingali ang wala pagkasayod, o paghikalimot o kaha pagbalewala sa kamatuoran nga ang mga nahisgotang ordinansa ang padayong sa gihapon ang pagpatuman hangtud karon dinhi sa siyudad sa Dipolog.
Busa subling nagpahibalo ang buhatan sa City Health ning siyudad ngadto sa tanang mga Dipolognon ug dili taga-Dipolog sa kanunay nga paghinumdum sa karon nga padayon sa gihapon hangtud karon ang pagpatuman ning duha (2) ka mga ordinansa dinhi sulod sa dakbayan sa Dipolog, sa katuyu-an nga mapabiling ang kalimpiyo niini ug luwas ang mga katawhan gikan sa aso sa sigarilyo nga naghatag og hulga ngadto sa kahimsog sa ilang mga panglawas.(Angelica T. Obina)
SOURCE: DIPOLOG CITY GOVERNMENT