GIDAKOP ang usa ka 29 anyos nga mananagat sa gipahigayon nga coastal patrol operation sa mga personahe sa Gutalac MPS sa koordinasyon sa representante sa Municipal Agriculture’s Office Mr. Donnie Tang, LGU Gutalac,ZDN, didto sa Brgy.La Libertad, pasado alas 5 ang takna sa kahapunon,Abril 14,2025.
Ang dinakpan naila nga usa ka 29 anyos, lalaki, minyo, ug mananagat nga nagpuyo sa Brgy. La Libertad, Gutalac, Zamboanga del Norte,kinsa gidakop tungod sa paglapas sa Municipal Ordinance No. 48, Series of 1999, partikular sa Section 1:
“Operating a Fishing Boat with Expired/Without License” and “Use of Fine Fishing Net.”
Atol sa operasyon nakumpiska ang mga butang sama sa Usa ka berde nga kolor nga motorized pump boat, Usa ka pinong pukot, nga adunay gibana-bana nga nagkantidad nga mobalor sa P13,100.00.
Ang mga nasakmit nga mga butang gi-turnover sa LGU-BFAR alang sa tukmang disposasyon samtang ang nakalapas, gibuhian human ma-settle ang katugbang nga silot gikan sa Gutalac Municipal Treasurer’s Office.(Medalyn U. Borja)
Source: ZNPPO