Gi-turnover kaniadtong milabay nga adlaw ang Road Concreting Project sa Purok Malinawon ug ang Rain Water Collector sa Upper Irasan Elementary School, nga gisaksihan ni Gov. Darel Dexter Uy.
Ang kalihokan gipangulohan ni Ai-Ai Labadlabad, kuyog ni Mayor Ismael Rengquijo Jr., Vice Mayor Jun Yebes, Brgy. Captain Raul Quijano, ug mga konsehal sa barangay.
Kini nga proyekto nagpasabot sa padayon nga paningkamot sa lokal nga gobyerno sa pagpaayo sa dalan alang sa mga residente sa Purok Malinawon ug sa paghatag og lig-on ug sustenable nga tinubdan sa tubig sa mga estudyante sa Upper Irasan Elementary School.
Samtang, sumala sa mga opisyal, pinaagi sa kusog nga panaghiusa ug komon nga panan-aw, mas napaduol sa katawhan ang kauswagan ug serbisyo sa komunidad.(IKEN B. GULLEM)
Source: Gov Darel Uy