Wala damha nga insidente ang nahitabo sa managhigala sa dihang ang duha nila ka mga kauban kinsa gianod sa kalit nga pagdahili sa tubig baha didto sa Barangay Singaran La Libertad Zamboanga del Norte, Abril 12 ning tuiga.
Ang mga biktima nailhan sa pangalan nga sila si Raiza Calimotan, nagtungha sa SVCI ug lumulopyo sa dakbayan sa Dipolog ug usa ka Stephanie Miemban.
Matud pa nga sa ilang mga kauban nga ang duha ka mga batan on kompiyansa lang kining nangaligo didto sa nasampit nga dapit tungod maayo raman ang panahon ug wa may makita nga adunay pagbaha nga mahitabo kay init ra lagi ang panahon adtong higayuna.
Pero sa taas nga bahin sa kabukiran kusog diay ang pagbunok sa ulan ug wala nila damha ang kalit nga pagsaka sa tubig hinungdan sa pagbaha resulta sa pagkalumos sa duha ka batan ong estudyante.
Sigun pa sa mga nanimuyo sa maong lugar sa Singaran nga kasagaran aduna gayuy malumos sa nahisgutang lugar nga suba tungod kay dili kini mailhan nga magkalubog ang tubig kung padung na kini sa pagbaha ug kalit na lamang kining musaka.(Angelica T. Obina)
Source: LA LIBERTAD MPS