Dakpan ang duha ka drug suspek atol sa gipatuman nga hiniusang buy-bust operation sa mga operatiba didto sa Purok 3. Barangay Poblacion South, Piñan, Zamboanga del Norte, mga alas 10:58 ang takna sa kagabhion niadtong Pebrero 17, 2026.
Ang maong mga dinakpan giila nga usa ka 38 anyos nga lalaki, ulitawo, walay trabaho nga residente sa Dipolog ug usa ka 36 anyos nga minyo,drayber ug lumulupyo sa Polanco, Zambonga del Norte, kinsa gidakop tungod sa paglapas sa Seksyon 5 ug 11, Artikulo II sa RA 9165.
Ang pagkasikop sa mga suspek gihimo pinaagi sa Municipal Drug Enforcement Team (MDET) sa Piñan Municipal Police Station uban sa mga personahe gikan sa RMFB-9, ZNPIU, ZNPMFC, ug sa Philippine Army
Nakuha atol sa operasyon ang nagkadaiyang pakete sa gituohang shabu nga gibanabanang motimbang og kapin o kulang 1.5 gramos nga adunay kantidad nga balor sa P10,200.00, usa P500 nga marked money, ug usa (1) ka walay sulod nga pakete sa sigarilyo nga gigamit isip sudlanan sa druga.
Ang mga nakumpiskang ebidensya sa droga ipadala ngadto sa Provincial Forensic Unit-9 alang sa laboratory examination.
Samtang ang mga dinakpan anaa sa kustodiya sa Piñan MPS alang sa hustong disposisyon.(MEDALYN U. BORJA)
Source: ZNPPO