Mobalor sa kapin P27,000 nga kantidad sa ilegal na drugas ang nasakmit gikan sa usa ka drug suspek atol sa gikasa nga joint buy-bust operation sa Barangay Dapaon, Sindangan, Zamboanga del Norte,niadtong Pebrero 17, 2026, mga alas 4:40 sa hapon.
Ang maong drug suspek naila nga usa ka 21 nyos na lalaki,tig-ayo og air-condition, ulitawo, ug residente sa Barangay Caluan, Sindangan, kinsa gidakop pinaagi sa mga personahe sa Sindangan Municipal Police Station, uban sa mga operatiba sa paniktik sa 97th Infantry Battalion, 1ID, Philippine Army, kinsa gidakoy tungod sa paglapas sa RA 9165.
Nakumpiska atol sa operasyon gikan sa suspek mao ang usa ka heat-sealed plastic sachet sa gituohang shabu nga mutimbang sa 1.0 gramos nga nagkantidad og P6,800.00,laing tulo ka dugang nga sachet sa gituohang shabu nga mitimbang og gibana-bana nga 3.0 gramos nga nagkantidad og P20,400.00, diin mokabat sa kinatibuk-an nga mga 4.0 gramos nga adunay gibanabana nga kantidad nga P27,200.00; usa ka P1,000 nga marked money, ug usa (1) ka papel sa sigarilyo nga nailhan sa lokal nga ngalan nga “Silak” nga gigamit nga sudlanan.
Ang mga nakumpiska nga ebidensya sa droga itugyan ngadto sa Provincial Forensic Unit Liloy Satellite Office, Barangay Fatima, Liloy, Zamboanga del Norte alang sa laboratory examination.
Samtang ang nadakpan nga suspek anaa na karon sa kustodiya sa Sindangan MPS alang sa hustong disposisyon.(MEDALYN U. BORJA)
Source:ZNPPO