Personal nga nagpasalamat kang Dipolog Mayor Roberto Y. Uy ang duha ka benepisyaryo sa eye surgery atol sa ilang pagbisita sa opisina sa mayor niadtong Pebrero 18, 2026.
Ang mga benepisyaryo sila si Leonida Chiong sa Piñan ug Cuasito Consolacion sa Barangay Olingan, mipadayag sa ilang dako nga pasalamat sa tabang nga gihatag sa lokal nga panggamhanan nga nakatabang aron mapahigayon ang ilang operasyon sa mata sa St. Therese Hospital sa Oroquieta City.
Matud sa mga benepisyaryo, dako ang ilang kalipay ug kahupayan human sa malampusong operasyon nga nahimong posible pinaagi sa suporta sa dakbayan.
Kini nga pagbisita nagpakita sa padayon nga paningkamot sa city government sa paghatag og medikal nga tabang sa mga residente aron mapalambo ang ilang kahimtang sa panglawas ug kalidad sa kinabuhi.(IKEN B. GULLEM)
Source: Dipolog City Government