Gidala ang duha ka batang pasyente gikan sa Zamboanga del Norte ngadto sa mga tertiary hospital sa Sugbo niadtong nilabay nga adlaw aron makadawat og espesyalisadong pagtambal ubos sa programa sa administrasyon ni Gobernador Darel Dexter Uy sa paghatag og tukmang ug dali nga serbisyong panglawas.
Usa sa mga pasyente mao ang 25 ka adlawng panuigon nga masuso gikan sa La Libertad nga adunay Hirschsprung disease ug gidala sa South Western University Medical Center. Ang ikaduhang pasyente usa ka usa ka tuig ug lima ka buwang bata gikan sa Barangay Penacio, Mutia nga adunay clubfoot ug gidala sa Vicente Sotto Memorial Medical Center alang sa espesyal nga pagtambal.
Gitabangang malampuson ang pagbalhin sa duha ka pasyente sa medical team sa Zamboanga del Norte Medical Center uban sa mga personnel sa ambulansya aron masiguro ang luwas ug hapsay nga pagbiyahe padulong sa ilang gitakdang tambalanan.(JENIFFER JR. DELICA)
Source: Zamboanga del Norte Medical Team