Ang “Assistance to Individuals in Crisis Situation” (AICS) Payout didto sa Museo Dipolog, ning siyudad,sa may alas 2:00 sa hapon,Disyembre 23,2024.
Ang maong programa gitambongan kini ni City Mayor Darel Dexter T. Uy nga mipadangat sa iyang mensahe ngadto sa mga resipiyentes nga gagumikan pa sa nagkalain-laing barangay ning dakbayan.
Kahibaloan nga adunay daghanang ka lumulopyo ang nakaangkon niini nga adunay kinatibuk-ang 102 ka mga indibidual ning dakbayan ang naka-benepisyo sa nasangpit nga programa ilawom sa Department of Social Welfare and Development duyog sa koordinasyon sa kagamhanang lokal ning dakbayan ubos sa pamunuan ni City Mayor Darel Dexter T. Uy.
Matud pa nasayran nga adunay 60 ka mga indibidwal ang nakadawat sa Medical Assistance, samtang 42 usab ka mga indibidwal ang nakadawat sa Burial Assistance ug Calamity Assistance.
Kahinumduman nga kining AICS maoy usa ka programa nga gipahigayon sa kagamhanang lokal ning siyudad ubos sa koordinasyon sa DSWD pinaagi sa paghatag og ayuda ngadto sa atong mga kabus nga kaigsoonan nga nakasinati sa wala damhang mga krisis sa kinabuhi, sama sa kamatayon, pagpatambal, dinali-ang relokasyon, nasunogan ug uban pang mga panghitabo nga dili mahibaw an.(Angelica T. Obina)
Source: DIPOLOG CITY GOVERNMENT