Gihatagan og oportunidad ang mga babaye nga Persons Deprived of Liberty (PDL) sa Female Dormitory sa Dipolog City Jail pinaagi sa usa ka Bread and Pastry NC II Training nga gipahigayon sa Technical Education and Skills Development Authority (TESDA) Zamboanga del Norte niadtong Abril 6, 2026.
Ang maong pagbansay nagtumong sa paghatag og kahibalo ug kahanas nga mahimong gamiton sa pagbag-o sa kinabuhi sa mga PDL pagkahuman sa prisohan. Pinaagi sa pagkat-on sa paghimo og tinapay ug pastry, gilauman nga makab-ot nila ang kahimtang sa produktibong panginabuhi ug makalikay sa pagbalik sa sala.
Kini nga training dili lang bahin sa teknikal nga kahibalo kondili usa ka estratehiya sa rehabilitasyon, diin ang mga PDL mahimong andam sa pag-aplikar sa ilang natun-an sa komunidad, maghimo og negosyo, ug makatampo sa ekonomiya sa lugar.
Giawhag sa TESDA ug sa jail administration ang komunidad nga suportahan ang mga programa nga nagpalig-on sa rehabilitasyon ug reintegration sa PDL aron sila makabalik nga produktibo ug responsable nga miyembro sa sosyedad.(IKEN B. GULLEM)
Source: BJMP Dipolog City Jail Female Dormitory