Naglunsad sa ilang Coco Negosyo Mid-Year Fair 2026 ang mga kawani gikan sa Department of Trade and Industry (DTI) ZDN pinaagi sa Coconut Farming and Industry Development Plan (CFIDP) subay sa tema nga “Lokal na Gawa, Pang-negosyong Kaya!” nga gipahigayon didto sa CityMall ning dakbayan sa Dipolog nga gisugdan niadtong Mayo 25 ug mulungtad hangtod sa 30, 2026.
Ang maong kalihokan gisugdan sa usa ka seremonyas ug makapadasig nga mensahe nga gihatag ni Board Member Dante G. Bagarinao kinsa maoy ni representar ni Gobernador Darel Dexter D. Uy, gisundan usab sa usa ka ribbon-cutting ceremony nga gipangunahan nila ni DTI-9 Assistant Regional Director Maridel D. Dengal, DTI-ZDN Provincial Director Estrella M. Roda, ug DTI-ZDN Business Development Division Chief Raymunda B. Biolango. Giubanan sila ni CityMall Supervisor Ma. Zabeth Tan ug CFIDP Focal Person Benjie Elopre.
Lakip sa mitambong usab ang mga inter-agency nga mao sila si Dipolog City Agriculturist Mr. Kerr Porlas ug Ms. Pamela Joyce Fumero gikan sa Philippine Information Agency (PIA) kinsa mihatag sa ilang hugot nga suporta sa maong kalihukan.
Alayon niining usa ka tibuok semana nga bazaar nga matanyag ang nagkadaiyang innovative coconut-based products, local crafts, ug agribusiness opportunities.
Sa samang higayon miabot 10 ka mga lokal nga micro, small, and medium enterprises (MSMEs) ug kooperatiba ang aktibong mitambong isip exhibitors sa maong peryahan, nga mao ang: Kanim Coconut and Fisherfolks Multi-purpose Cooperative, Sta. Cruz Small Coconut Farmers Cooperative, Lapu-lapu Coconut Farmers Agriculture Cooperative, Laguerta Food Products (Katipunan), Millennium Herbal Products (Liloy), Triple JJJ Food Products, Cocoturmeric, Caefilan Homebased Products, FMG Enterprises, ug Annie’s Food Products.
Apil usab nga gi featured ang mga produkto nga gikan sa SVARBEMCO, Caracol Small Coconut Farmers Cooperative, Bicagrow, Imperial Farm, ug Avila Cape.
Dugang pa ang matag fair mipakita usab sa nagkadaiyang han-ay sa coconut derivatives, lakip ang premium Virgin Coconut Oil (VCO), organic cocopeat, presko nga buko pie, ug eco-friendly nga coco charcoal.
Gidasig pinaagi sa ilang kalihokan ang publiko nga mubisita sa matag booth hangtod sa Mayo 30 aron suportahan ang mga lokal nga negosyante ug tabangan ang pagpalambo sa komunidad aron sa ingon niini mapasiugda ang pasalig sa kagamhanang probinsiyal sa pagsuporta sa mga lokal nga negosyo sa agrikultura.(MEDALYN U. BORJA)
Source: DTI Zamboanga del Norte