LILOY, ZAMBOANGA DEL NORTE — Gipahibalo sa Lokal nga kagamhanan sa Liloy nga nagpagawas ang Department of Trade and Industry og Suggested Retail Prices o SRP alang sa basic necessities ug prime commodities, nga epektibo sugod Pebrero 2 hangtod Abril 16, 2026.
Sakop sa SRP ang nagkadaiyang batakang palaliton sama sa delata, gatas, kape, pan, mantika, tubig, noodles ug sabon, samtang apil usab ang prime commodities sama sa harina, condiments, abono, baterya ug school supplies.
Gidasig sa DTI ang tanang negosyante ug retailers sa lungsod nga sundon ang gipagawas nga SRP aron masiguro ang patas nga presyo sa merkado ug malikayan ang sobrang pagsaka sa presyo sa mga produkto.
Gipahinumdoman usab ang mga konsumidor nga kanunay motan-aw sa presyo sa paliton, mopalit og husto, ug magpabiling alerto sa kasamtangang presyo sa merkado aron maprotektahan ang ilang kaugalingon batok sa dili makatarunganong presyo.(JENIFFER JR. DELICA)
Source: Municipality of Liloy