Gitambongan sa mga lokal nga lider ug sektor ang 3-Day Orientation kabahin sa sosyal nga serbisyo nga gilunsad sa Department of Social Welfare and Development – Sustainable Livelihood Program (DSWD-SLP) aron mapalambo ug mapalig-on ang kahibalo sa mga Dapitanon nga benepisyaryo sa pagpalambo sa ilang panginabuhian.
Mitambong sa maong kalihukan si Mayor Belen T. Uy, uban nila Hon. Dennis A. Tan, sila Konsehal Alexandra Judith Meily, Ruel S. Nadela, City Social Welfare and Development Officer Marilyn Sy, City Agriculturist Cyril Patangan, ug si Robert Cadungog, nga representante ni Sen. Erwin Tulfo.
Gihatagan ug pag-ila ang SLP framework nga nagtutok sa skills enhancement, enterprise development, ug pagpalig-on sa suporta alang sa mga kabus nga panimalay. Lakip sa oryentasyon ang paggiya sa mga benepisyaryo unsaon pag-organisa sa sustainable livelihood groups, pagplano sa negosyo, ug pag-angkon sa tukmang kahibalo aron mahimong lig-on ang ilang panginabuhian.(IKEN B. GULLEM)
photo courtesy: City Government of Dapitan