Gipaila na sa Binibining Sindangan 2025 ang duha ka prominenteng hosts niadtong Disyembre 5, 2025, nga magdala og kusog, elegante, ug inspirasyon sa entablado.
Ang duha ka hosts sila si Cindy Obeñita, Miss Intercontinental Philippines 2021 ug magna cum laude sa Mass Communication, usa ka eksperyensiyadong host ug advocate sa empowerment. Uban si Kitt Cortez, iladong pageant personality ug host nga nailhan sa iyang presensya ug talento sa dagkong kalihokan sa nasud.
Ang duha ka hosts maghatag og kahayag, gigil, og kalingawan samtang maglakaw ang mga kandidata paingon sa korona sa Disyembre 20, 2025, sa Sindangan People’s Cultural and Sports Center, usa ka gabii nga magpasundayag sa bag-ong kapitulo sa pageant legacy sa lungsod.(JENIFFER JR. DELICA)
Source/Photo Courtesy: Local Government Unit of Sindangan