Lt.Col. Jimmy J Sanz Commanding Officer sa 97th Infantry “Kasaglahi” Battalion Philippine Army ang mainitong midawat sa mga personahe sa Department of Social Welfare and Development (DSWD)pinanguluhan ni Ms. Nurhati Napii, RSW, Social Work Officer III atol sa ilang pagbisita sa Battalion Headquarters sa May 31,2025,Barangay Del Pilar, Piñan, Zamboanga del Norte.
Ang pagbisita usa sa mga plata porma inubanan sa koordinasyon tali sa DSWD ug sa 97th IB.Tumong ug tinguha sa duha kahabig nga mahatagan ug maayong pagtagad ingon man paningabuhian alang na sa mga NPA kaniadto nga mibalik na sa sabakan sa balaod nga mamahimung hapsay ug malinawon nga pamuyo uban sa matag tagsa ka pamilya niini.
Mapasalamaton ug daku si Lt.Col Sanz sa maong programa nga gihimo sa buhatan sa DSWD sa padayung suporta ilabina sa natad sa rehabilitasyon, pagdugang pagpasabot sa pagpromoter sa kalinaw,kolaborasyon ingon man pakigtambayayong sa mga programa sa komonidad. Pinaagi niini daku na kaayo kining tabang ngadto sa mga kanhi rebelde ilabina sa mga ayuda nga gitanyag kanila isip tabang sa ilang pagbalik.
Ang 97th IB padayung mubarog o mokomiter para sa kalinaw sa tibuok rehiyon ug sa kanunay mag ahat sa mga rebeldeng NPA nga mu surrender na ug andam silang mutabang para sa tinuoray nga kalinaw nga gusto nilang maangkon. Lakip na sa pakiglambigit sa mga programa sa kumunidad diin usa kini kapamaagi sa kausaban kanila apil na ang ilang matag pamilya.(Angelica T. Obina)
Source: 97th IB “KALASAGLAHI” Battalion