DIPOLOG CITY – Gipahigayon sa Department of Social Welfare and Development Field Office IX ug Provincial Social Welfare and Development Office ang Service Delivery Capacity Assessment aron mas mapalig-on ang paghatag og serbisyong sosyal sa probinsya.
Gipangunahan ni Acting PSWDO Hannah Lou G. Mandantes ang kalihokan nga nagtutok sa pag-evaluate sa kapasidad ug performance sa local service delivery systems ug sa pagtan-aw kung unsa ka epektibo ang implementasyon sa mga programa ngadto sa mga benepisyaryo.
Human sa assessment, gipresentar ang resulta kang Gov. Darel Dexter Uy nga nagpakita sa pag-uswag sa operasyon ug serbisyo, ilabi na sa pagpalambo sa kalidad sa public service.
Gilauman nga pinaagi sa padayon nga kolaborasyon tali sa DSWD ug PSWDO, mas mapalig-on pa ang sistema sa paghatag og serbisyo ug mas matubag ang panginahanglan sa komunidad.(JENIFFER JR. DELICA)
Source: Dipolog City Government