Nagpahigayon ang Department of Agrarian Reform IX og tulo ka adlaw nga problem-solving ug consultation uban sa Civil Society Organizations alang sa implementasyon sa Project SPLIT sa lungsod.
Gitambongan sa kapin 70 ka representante gikan sa CSOs, Peoples Organizations, ug DAR personnel ang kalihokan nga nagtutok sa paghisgot sa mga isyu ug hagit sa parcelization sa yuta ug paghatag og individual land titles sa mga benepisyaryo.
Gipasiugda sa mga opisyal sa DAR ang importansya sa aktibong partisipasyon sa stakeholders aron matubag ang mga kakulangan ug mapadali ang implementasyon sa proyekto, samtang giila usab ang papel sa World Bank isip kauban sa maong inisyatibo.
Gilauman nga pinaagi sa maong konsultasyon, makabuo og konkretong solusyon ug direksyon aron mapalambo ang serbisyo sa agrarian reform ug mas matabangan ang mga mag-uuma sa rehiyon.(JENIFFER JR. DELICA)
Source: DAR Region IX