Usa ka feeding program ang gipahigayon sa mga personahe sa Zamboanga del Norte 1st Provincial Mobile Force Company (1st ZNPMFC), isip kabahin sa selebrasyon sa 31st Police Community Relations (PCR) Month,nga gipahigayon niadtong Hulyo 11,2026 didto sa Sicayab Elementary School.
Ang maong kalihokan gihimo ubos sa pagpanguna ni PMAJ GREGORIO JOEL C BUNGULAN (Officer-in-Charge), sa 1st ZNPMFC sa pakig-tambayayong sa Dipolog City Nutrition Division ug sa Barangay Local Government Unit sa Sicayab
alang sa mga estudyante sa kindergarten.
Sa maong kalihokan usa ka lektyur kabahin sa Safe Spaces ang gihimo nga gihatagan ug makaluhuganong diskusiyon pinaagi ni PMSg Christian D Salado (Investigation PNCO) kinsa mipasiugda sa pagtahod, pagkamabination, ug mihatag og kahibalo batok sa gender-based sexual harassment ngadto sa mga batan-ong estudyante.
Usa ka inisiyatiba nga nagpakita sa lig-on nga pasalig sa Philippine National Police sa pagpalig-on sa relasyon tali sa kapulisan ug komunidad.
Nagpasiugda sa usa ka luwas ug child-friendly nga komunidad pinaagi sa makahuluganon nga mga panag-uban ug serbisyo publiko sa pagpanalipod sa kaayohan sa mga bata, ug pagmugna og luwas, malinawong komunidad.(MEDALYN U. BORJA)
Source: PNP Zamboanga del Norte 1st ZNMPFC