Balhog karon sa prisohan ang usa ka drug suspek atol sa gikasa nga buy-bust operation sa mga personahe sa kapulisan didto sa Brgy.Obay, Polanco , Zambonga del Norte niadtong Disyembre 14,2025.
Ang nadakpan nga suspek nasakmitan sa kapulisan ug kapin o kulang 1 gramos sa gituohang shabu nga gibana-banang mobalor og Php 6,800.00 pinaagi sa drug buy-bust operation nga gihimo sa Polanco Municipal Drug Enforcement Team (MDET).
Kining malampuson nga operasyon nagpasiugda sa walay hunong nga dedikasyon sa atong mga personahe sa pagwagtang sa ilegal nga drugas ug sa pagpanalipod sa atong komunidad.(MEDALYN U. BORJA)
Source: Polanco MPS ZNPPO