Sikop ang usa ka drug suspek atol sa gipatoman nga buy bust operation sa mga personahe didto sa Brgy. Villa M. Tejero, Liloy, Zamboanga del Norte, niadtong Abril 24,2026.
Ang maong dinakpan nga drug suspek nasikop ug nakumpiskahan sa kapulisan ug gibana-bana sa 1 gramo sa ilegal nga drugas nga adunay gibanabanang kantidad nga Php 6,800.00.
Ang pagkasikop sa suspek ug pagkakumpiska sa ilegal nga drugas gihimo pinaagi sa hiniusang anti-illegal drugs buy-bust operation sa mga personahe sa Liloy MPS ug RDEU9.
Kining malampusong operasyon nagpakita sa walay hunong nga dedikasyon sa atong mga personahe sa pagpuo sa ilegal nga droga ug pagpanalipod sa atong komunidad.(MEDALYN U. BORJA)
Source: LILOY MPS ZNPPO