Wala na maka iskapo sa kamot sa mga tinugyanan sa balaod homan masikop ang usa ka drug suspek atol sa gikasa nga joint drug buy-bust operation didto sa Brgy. Canlucani, dakbayan sa Dapitan, Zamboanga del Norte, Enero 10,2026.
Ang maong dinakpan nga drug suspek naila nga usa ka 41 ANYOS nga lalaki kinsa gidakop tungod sa pagpayuhot sa ilegal nga drugas nga hingpit nga paglapas sa RA 9165.
Nakumpiska sa otoridad gikan sa suspek ang mutimbang sa gibana-bana nga 2 ka gramo sa ilegal na drugas nga adunay gibana-bana nga kantidad na mobalor sa P13,600.
Ang maong pagkasikop sa suspek ug pagka kumpiska sa ilegal na drugas gihimo pinaagi sa mga operatiba sa Dapitan CPS uban sa 5TH SOU Mabuhay SBC, 1st MC ZNPMFC, 97th IB, PA ug ZDN Maritime Police Station.
Kining malampusong operasyon nagpakita sa walay hunong nga dedikasyon sa atong mga personahe sa pagpuo sa ilegal nga droga ug pagpanalipod sa atong komunidad.(MEDALYN U. BORJA)
Source: Dapitan City Police Station ZNPPO