Sikop ang usa ka nailhang Street Level Individual ( SLI ) atol sa gihimo nga hiniusang buy-bust operation didto sa Relocation Site, Barangay Olingan, dakbayan sa Dipolog mga 11:48 ang takna sa kagabhion niadtong Enero 10, 2026.
Naila ang maong dinakpan nga usa ka 34 anyos, lalaki, ulitawo,usa ka drayber ug residente sa Purok Mahigugmaon, Barangay Miputak Dipolog.
Nasikop kini pinaagi sa mga personahe sa Dipolog City Police Station (CPS), Station Drug Enforcement Team (SDET), (lead unit), uban sa koordinasyon sa RDEU 9 ug PDEA Region 9,
Nakumpiska gikan sa posisyon ug kontrol sa suspek mao ang Usa ka gamay nga heat-sealed transparent plastic sachet nga adunay sulod nga white crystalline granules nga gituohang shabu, nga gigamit isip buy-bust evidence, Usa ka gamay nga heat-sealed transparent plastic sachet nga adunay sulod nga puti nga crystalline granules nga gituohang shabu, nga nakuha gikan sa suspek,
Usa ka piraso sa Php 500.00 nga buy-bust money,Usa ka piraso sa P500.00 nga marked money, Usa ka transparent nga plastik nga cellophane nga gigamit nga sudlanan,
Usa ka RedMi smartphone, kolor asul nga langit, nga adunay brown nga goma nga case ug Duha ka lain-laing mga resibo.
Ang nakumpiska nga ebidensya sa droga gibanabanang motimbang og usa ka gramo, nga adunay gibana nga kantidad nga mobalor sa P6,800.00.
Ang tanang nakumpiska nga mga butang nga may kalabutan sa droga gidala na sa Zamboanga del Norte Provincial Forensic Unit alang sa laboratory examination, samtang ang nadakpan nga suspek anaa karon sa protective custody sa Dipolog CPS alang sa hustong disposisyon ug pagpasaka sa tukmang kaso.(MEDALYN U. BORJA)
Source: DIPOLOG CPS