Malampusong nasikop ug nakumpiskahan sa kapulisan ug kapin sa balor P40,000 nga kantidad sa ilegal na drugas ang usa ka drug suspek atol sa gikasa nga search warrant niadtong Hulyo 14, 2026, didto sa Brgy. Talisay, Dapitan City.
Ang maong dinakpan nga drug suspek naila nga usa ka 56-anyos nga lalaki kinsa gidakop tungod sa paglapas sa RA 9165.
Ang pagkadakop sa drug suspek ug pagkakumpiska sa ilegal na drugas gihimo pinaagi sa mga operatiba sa Dapitan CPS uban sa mga operatiba gikan sa 5th SOU MG.
Gibanabana nga mutimbang sa 6 ka gramo ang gibug-aton sa gituohang ilegal na drugas nga adunay gibanabanang kantidad nga Php 40,800.00.
Ang nasikop nga suspek anaa na karon sa kustodiya sa Dapitan CPS samtang nagpaabot sa pagpasaka og kasong kriminal, samtang ang mga nakumpiskang ebidensya gidala sa ZN Provincial Forensic Unit-9 alang sa kemikal nga eksaminasyon.
Gi-awhag sa Dapitan City Police Station ang publiko nga magmabinantayon ug i-report dayon sa mga awtoridad ang bisan unsang kadudahang kalihokan nga may kalabotan sa droga.(MEDALYN U. BORJA)
Source: Dapitan City Police Station