Dakpan ang usa ka drug suspek atol sa gipatoman nga Drug Buy-bust operation sa mga personahe sa kapulisan mga alas 12:58 ang takna sa kadlawon niadtong Hunyo 14, 2026, didto sa Brgy. Lingasad, Polanco, Zamboanga del Norte.
Ang dinakpan nga drug suspek naila nga usa ka 42 anyos nga lalaki nga residente sa susamang lugar kinsa nakumpiskahan sa kapulisan sa gidudahang ilegal nga drugas nga mutimbang sa 0.5 grams nga adunay gibanabanang kantidad nga P3,400 ka pesos, usa ka paglapas sa Comprehensive Dangerous Drugs Act of 2002 (RA 9165).
Ang pagkadakop sa nasangpit nga drug suspek gihimo pinaagi sa mga personahe sa Municipal Drug Enforcement Team (MDET) sa Polanco Municipal Police Station (MPS).
Ang dinakpan gipahibalo sa hinungdan sa iyang pagkadakop ug mga katungod sa Konstitusyon ug Miranda Rights sa usa ka pinulongan nga iyang nasabtan ug anaa na kini karon sa kustodiya sa Polanco MPS alang sa pagpasaka ug reklamo.
Samtang ang mga nakumpiskang droga gidala sa Zamboanga del Norte Provincial Forensic Unit alang sa kemikal nga eksaminasyon.(MEDALYN U. BORJA)
Source: ZNPPO