27.9 C
Manila
Tuesday, April 16, 2024

Dipolog: Drug den nadiskubrehan 4 arestado!

- Advertisement -

Nabungkag  ang  gikatahong drug den didto sa Purok Lobing Oguis , Barangay Galas ning dakbayan sa Dipolog.

Sa gilusad nga operasyon sa Philippine Drug Enforcement Agency Zamboaga del Norte (PDEA-ZN) sa pagpangulo ni IA III Marvin Santos niadtong alas 10:00 sa gabie Setyembre 28.

Matud pa sa PDEA ZN, ang target sa maong operasyon ang suspect giilang si CLEO JOE CABAUATAN alyas JOKE 2X, 30 anyos ,ulitawo ug taga Barangay Sta Filomena.

Lain kauban niini nga nadakpan sila si Genver Coronel ,35 anyos ,barangay Sta. Filomena ug manag-uyab nga sila si Ferdinand Ramos, 25 anyos ug Sweety Tequiner , 20 anyos taga Barangay Mias Katipunan.

Nasayran nga usa sa mga suspect ang napalitan og sachet sa gituohang shabu sa ahente sa PDEA nga nagpakaron ingnon nga poseur buyer.

Base sa impormasyon sa PDEA ZN, gigamit ang usa ka kwarto /apartment isip DRUG DEN didto sa Barangay Galas nga gisulod og naaktuhan nga ga – pot session ang nasangpit nga mga suspect didto sulod sa apartment.

Nakuha usab sa nasangpit nga  operasyon ang 2 ka dagkung sachets, usa ka medium size ug laing pang 10 ka sachets sa gikatahong shabu mga kinatibuk-ang adunay timbag sa 11 ka gramos ug nagkatindad kini sa P 74,800, nakuha usab ang usa ka P 1000-peso bill isip marked money, proceeds money ug mga  drug paraphernalia.

Dugang  nasayran nga taud2x na kini gipanid-an sa operatiba ang nasangpit nga mga suspect ug ang gikatahong apartment nga ilang gihimung “drug den”.

Kasong pagsupak  sa Republic Act 9165 o ang Comprehensive Dangerous Drugs Act of 2002 ang kaso ipasaka batok sa mga nadakpan mga gibalhog karon sa Lock up Facility sa Dipolog PNP.

Source: ZORAYDA EVA LIM MUSTARIL

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -