Dead on Arrival ang usa ka driver human nagkabangga ang duha ka motorsiklo didto sa Barangay Sicayab Dipolog City, Hunyo 10, 2025.
Ang biktimang driver nga namatay nailhan nga si John Carlo Generelao 20 anyos, lumulopyo sa Barangay Magsaysay,Sibutad ZN.
Saysay pa sa mga nakasaksi ug nakita mismo sa cctv footage ang duha ka motorista gasubay sa parehong deriksyon ug kalit lamang miliko ang usa ka motorsiklo nga adunay backride nga puros mga batan-ong babaye, ning hitaboa kusog nga gahaguros sa pagmaneho ang biktima ug wala nakahigayon sa paglihay ug nadasmagan niya ang duha ka batan-ong babaye ug nalahos pa kini sa poste ug didto nabagok ang ulo niini hinungdan sa iyang hinanalling kamatayon.
Samtang ang duha ka batan-ong babaye nga sakay sa gikabangga niini ang anaa na karon tambalanan ug kasamtangang nagpaalim sa mga bun-og ug samad sa kalawasan.
Matud pa ni Sicayab Barangay Kapitan Joecris Empal siya mismo nakakita sa maong cctv footage ug siya gapahimangno sa tanang mga motorista nga mag amping ug ipaniguro ang pagmaneho nga dili mahimutang sa peligro kay matag usa kanato bililhon kaayo ang atong kinabuhi kay mahimung makalulouy ang pamilya nga nahabilin kung kita mahiagom sa kalit nga kamatayon.(Angelica T. Obina)
CTTO