Ang buhatan sa Department of Tourism Region 9,nitanyag ug 7-Day Community Guiding Training Program nga gisugdan niadtong Hunyo 6 nga mulungtad hangtod petsa 12, ning tuig,didto sa ZN Convention & Exhibition Center, Dipolog City.
Kini nga kalihokan inabagan sa DOT Accredited Resource Speaker nga si Mr. Errold Bayona, sa Tour Guiding ug mga partisipante nga gikan sa dakbayan sa Dipolog ug Dapitan City ug uban pang kapunongan.
Tumong niini mao ang mahatagan ug malungtarong kalamboan sa turismo ang komunidad pinaagi sa pagpasiugda sa inklusibo nga mga oportunidad.
Usa ka pagpalambo sa mga kasinatian sa mga bisita, diin pinaagi sa pagbansay ug padayong paningkamot sa pag pasiugda sa DOT IX ug pagabansay sa kahanas , mas mapalig-on pa ang Community-Based Tourism sa matag rehiyon ilabi na ngadto sa mga stakeholders nga mi-apil sa maong pagbansay nga kini usa ka sukaranan nga makatabang ug mabenepisyohan sa komunidad.(Medalyn U. Borja)
Source: Dipolog Tourism