Nagpahigayon og sunod-sunod nga site assessment ang Department of Science and Technology–Zamboanga del Norte (DOST-ZDN) uban ang opisyales ni Rep. Adrian Amatong aron mailhan ang mga posibleng technology-based livelihood enterprises sa 3rd Congressional District sa probinsya.
Sukad niadtong lunes, Enero 12, nabisita na sa team ang 11 ka mga lungsod, ug gilauman nga makompleto ang tanang 12 ka munisipyo sa distrito hangtod karong Huwebes, Enero 15.
Tumong sa assessment ang pakig-engage sa mga local chief executives (LCEs), pag-ila sa mga prayoridad nga areas para sa kolaborasyon, ug pagpili sa angay nga mga proyekto nga nakabase sa teknolohiya aron masuportahan ang malungtarong kalamboan sa komunidad. Lakip sa gitutokan sa DOST ang potensyal sa coastal resources ug ang mga posibleng panginabuhian nga mahimong mapauswag gikan niini.
Samtang, miapil usab sa site assessment ang senior staff ni Rep. Amatong nga si Mr. Johannes Ruedas aron motabang sa koordinasyon ug pagpalig-on sa kooperasyon tali sa lokal nga pangagamhanan ug sa ahensya.(IKEN B. GULLEM)
Source: DOST REGIONAL OFFICE NO. IX