Gipahibalo sa Professional Regulation Commission nga magpahigayon sila og duha ka adlaw nga PRC Mobile Service karong umaabot Enero 16–17, 2026 sa Zamboanga del Norte Convention & Sports Center (ZNCSC).
Tumong niini aron mas duol ug mas sayon ang pag-avail sa serbisyo sa mga propesyonal ug aplikante.
Sumala sa PRC, lakip sa mga serbisyong ihatag mao ang pag-aplikar sa licensure examinations, renewal sa Professional ID card, authentication ug certification sa mga dokumento, ug pagkuha pag-usab sa LERIS account.
Gipahinumdoman ang mga aplikante nga magpa-book daan og online appointment pinaagi sa opisyal nga website sa PRC, tungod kay kadtong adunay kumpirmadong appointment ra ang pagaserbisyuhan sa maong kalihokan.
Gilauman nga ang PRC Mobile Service makatabang sa mga propesyonal sa Zamboanga del Norte ug mga silingan nga lugar, pinaagi sa mas pas-pas, episyente, ug hapsay nga transaksiyon nga dili na kinahanglan pa molayo og biyahe.(IKEN B. GULLEM)
Source: Zamboanga del Norte Provincial News Network