Miresponde dayon ang Shift B EMS personnel sa Liloy Municipal Fire Station human madawat ang tawag kabahin sa usa ka medical emergency sa Liloy National High School, Barangay Baybay, niadtong Enero 14, 2026. Gipangulohan ang operasyon ni FINSP Dave C Dela Cruz, Acting Municipal Fire Marshal.
Pag-abot sa lugar, giluwas ug gisusi sa EMS team ang kahimtangan sa biktima, usa ka babayeng pasyente nga nahimutang nga may kahimtangan sa kakulangan sa ginhawa apan conscious. Gitun-an dayon ang iyang kondisyon ug gihatagan og oxygen therapy nga dos litros matag minuto gamit ang nasal cannula, samtang padayon nga gi-monitor ang iyang kahimtangan.
Human sa paunang pag-atiman, gitransport ang pasyente sakay sa BFP ambulance padulong sa Liloy Integrated Health District Hospital alang sa dugang nga medical evaluation ug hustong pag-atiman, nga nagpakita sa andam ug paspas nga serbisyo sa Bureau of Fire Protection sa pagpanalipod sa kinabuhi sa komunidad.(JENIFFER JR. DELICA)
Source: BFP R9 Liloy Fire Station