Gidawat na sa Department of Science and Technology–Science Education Institute o DOST-SEI ang aplikasyon alang sa 2027 Undergraduate Scholarship Programs para sa mga kwalipikadong graduating Grade 12 students.
Mahimong mo-apply ang tanang graduating Grade 12 students ubos sa STEM strand, samtang ang mga naa sa non-STEM strands mahimong kwalipikado kung apil sa top 5 porsyento sa ilang Grade 11 class.
Ang deadline sa pagsumite sa aplikasyon mao ang Septyembre 17, 2026, samtang ang qualifying examination ipahigayon sa Nobyembre 14 ug 15, 2026. Ang mga aplikante kinahanglan mosumite sa kompletong requirements pinaagi sa opisyal nga online portal sa DOST-SEI.
Giawhag ang mga kwalipikadong estudyante nga sayo nga mosumite sa ilang aplikasyon aron malikayan ang system traffic ug mahatagan og higayon nga mapadayon ang ilang pagtuon ug umaabot nga karera sa science ug technology.(JENIFFER JR. DELICA)
Source: Dapitan City Government