Nagpakita og importante nga research ang Department of Science and Technology Region IX (DOST IX) sa International Rubber Conference sa Bangkok, Thailand, pinaagi ni Mr. Shadam Suganob sa Regional Standards and Testing Laboratories.
Gipresentar ni Suganob ang pagtuon nga “Degradation Trends in Plasticity and Viscosity of Selected Standard Philippine Rubber Under Prolonged Storage,” nga co-authored nila Mr. Ruben Lim Jr. ug Ms. Rosemarie Salazar. Ang research misusi sa kausaban sa kalidad sa rubber kon dugay kini itago ug sa papel niini sa mas epektibo nga testing ug performance evaluation.
Pinaagi sa ilang pag-apil sa global conference, mipakita ang DOST Region IX sa ilang lig-on nga paningkamot sa pagsuporta sa Philippine rubber industry pinaagi sa siyensya, inobasyon, ug mas lig-on nga technical capability.(JENIFFER JR. DELICA)
Source/Photo Courtesy: DOST Regional Office No. IX