DIPOLOG CITY, ZAMBOANGA DEL NORTE — Nagkonsultasyon ang mga opisyal sa Department of Science and Technology o DOST ug Provincial Government of Zamboanga del Norte niadtong Agosto 12, 2026, aron hisgutan ang mga paagi sa paggamit sa science, technology ug innovation sa pagpalig-on sa mga programa sa probinsya.
Gipangunahan ni DOST Secretary Renato U. Solidum Jr. ang maong pakighinabi uban nila ni Undersecretary for Regional Operations Engr. Sancho A. Mabborang, DOST IX Regional Director Rosemarie S. Salazar, DOST IX Provincial Director Nuhman M. Aljani ug uban pang mga opisyal sa ahensya, diin nakigpulong sila kang Governor Darel Dexter T. Uy.
Usa sa gipunting sa diskusyon ang pagpalig-on sa disaster risk reduction and management o DRRM pinaagi sa science ug technology. Gihisgutan usab ang posibilidad sa paggamit sa mga teknolohiya nga gimugna sa DOST, lakip ang SAFewaters, aron masuportahan ang water safety, disaster preparedness ug resilience sa probinsya.
Ang maong panagtigom nagpasiugda sa hiniusang paningkamot sa DOST ug Provincial Government sa paggamit sa teknolohiya isip suporta sa mas luwas, lig-on ug malungtarong pagpalambo sa Zamboanga del Norte.(JENIFFER JR. DELICA)
Source: DOST Regional Office No. IX