SIOCON, Zamboanga del Norte — Nakadawat og laptop ug 43-inch smart TV ang Siocon District Jail niadtong Pebrero 16, 2026, isip donasyon gikan sa Free Believers In Christ Fellowship International (FBCFI).
Pormal nga gidawat ni JO2 Ronnel C. Cago ang maong kagamitan ubos sa liderato ni Acting Jail Warden JCINSP Achmed Aziz A. Pia. Ang donasyon giila nga tukmang suporta aron mapalambo ang operasyon sa opisina ug ang mga programa sa pasilidad.
Gilauman nga ang laptop ug smart TV makatabang sa pagpalig-on sa educational ug developmental programs alang sa Persons Deprived of Liberty (PDL), isip kabahin sa padayon nga paningkamot sa pagpauswag sa ilang kahimtang ug preparasyon alang sa reintegration sa komunidad.
Gipasabot sa pamunuan nga ang maong suporta nagpakita sa lig-on nga panag-uban tali sa komunidad ug correctional facility sa pagdasig sa kaayohan ug padayon nga pag-uswag sa mga PDL.(JENIFFER JR. DELICA)
Source: Siocon District Jail