POLANCO, Zamboanga del Norte — Pormal nang giturn over ang bag-ong duha ka andana, unom ka classroom nga building sa San Pedro National High School, nga gilauman makahatag og mas maayong kahimtang sa pagtuon alang sa mga estudyante ug magtutudlo.
Ang bag-ong pasilidad magdugang sa classroom capacity sa eskwelahan ug motubag sa panginahanglan sa mas organisado ug komportableng learning environment. Gituohan nga kini makatabang sa pagpausbaw sa kalidad sa edukasyon sa maong institusyon.
Gihatagan og pasalamat si Cong. PinPin Uy alang sa pagtabang sa pagdala sa maong proyekto sa lungsod, samtang giila usab ang Department of Public Works and Highways (DPWH) sa maayong implementasyon niini.
Ang turnover nagpakita sa padayon nga paningkamot sa lokal nga liderato sa pagpalambo sa sektor sa edukasyon, nga giila isip usa sa mga prayoridad alang sa mas lig-on nga kaugmaon sa kabataan sa Polanco.(JENIFFER JR. DELICA)
Source: Municipality of Polanco