Gidapit sa Department of Labor and Employment (DOLE) Regional Office IX–Zamboanga del Norte Field Office ang mga tag-iya, manager, ug representante sa mga micro-establishments sa Kalawit nga moapil sa libreng Technical Advisory Visit (TAV), Basic Occupational Safety and Health (BOSH)–Safety Officer 1 (SO1) Training, ug First Aid Orientation karong umaabot Hulyo 29, 2026.
Ipahigayon ang kalihokan gikan alas-8:00 sa buntag hangtod alas-5:00 sa hapon sa Municipal Gymnasium sa Kalawit, Zamboanga del Norte.
Gitumong sa maong kalihokan nga matabangan ang mga micro-establishments sa pagsabot ug pagtuman sa labor laws ug Occupational Safety and Health (OSH) Standards, lakip ang pagpalambo sa kahibalo ug kahanas sa pagmintinar og luwas ug himsog nga workplace.
Eksklusibo alang sa mga micro-establishments sa Kalawit ang maong kalihokan ug limitado lamang ang mga slot.
Gidapit ang mga interesado nga magparehistro daan aron makareserba og slot ug mahimong kabahin sa paningkamot sa pagpalig-on sa workplace safety ug labor compliance sa mga establisemento sa lungsod.(IKEN B. GULLEM)
Source: DOLE IX- Zamboanga del Norte Field Office