Malampusong napahigayon sa mga personahe sa Sibutad Municipal Fire Station ang ilang “Noche Buena Nyo,Sagot Ng Mga Bumbero” nga aktibidad isip kabahin sa Sa diwa sa Pasko ug bayanihan, nga gipahigayon niadtong Disyembre 25,2025 sa mga personahe sa Sibutad Municipal Fire Station.
Ang maong aktibidad gipangulohan ni SFO2 Levi T Clamohoy, Acting Municipal Fire Marshal, kinsa mihatag sa makahuloganong kaluoy ug suporta alang sa mga kabus nga pamilya nga nabiktima sa mga insidente sa sunog, pinaagi sa pag gahin kanila ug Noche Buena food packages, aron sa bisan paman sa kalisdanan nga ilang nasinati masinati gihapon sa tagsa-tagsa kanila ang kasaulogan sa kapaskuhan.
Gipalig-on sa kinaulohan sa kawani sa Sibutad Municipal Fire Station ang pagpalig-on sa ilang pasalig sa yanong mga buhat sa pagpakigbahin, pagpakita sa tinuod nga diwa sa Pasko nga puno sa paglaum nga dili lamang kabahin sa pag responde sa sunog ug emerhensya ang ilang ikadalit nga serbisyo ngadto sa komunidad kundili apil usab ang empatiya, sa pag-atiman sa matag usa, pagkamang gihatagon ug panaghiusa panahon sa panginahanglan.(MEDALYN U. BORJA)
Source: BFP R9 Sibutad Municipal Police Station