Gipasiugda sa City Government of Dipolog ang importansya sa pagpanalipod sa katungod ug pagpalig-on sa partisipasyon sa mga persons with disabilities (PWDs) isip kabahin sa selebrasyon sa 48th National Disability Rights Week.
Gisaulog ang culmination activity ubos sa tema nga “Rights First, Legislation Forward: Strategic Action for Equal Participation and Development,” nga nagtutok sa pagpalig-on sa mga katungod, dignidad, kaayohan ug patas nga oportunidad alang sa mga PWDs.
Gipasiugda sa kalihokan ang panginahanglan sa paghatag og patas nga kahigayonan sa mga PWDs nga makaapil ug makatampo sa kalamboan sa komunidad, samtang gisiguro nga respetado ug mapanalipdan ang ilang mga katungod.
Mitambong sa kalihokan si City Councilor Praxides P. Rubia isip representante ni City Mayor Roberto Y. Uy, uban si City Councilor Ryan Niel A. Asprer, mga representante sa nagkadaiyang sektor ug mga stakeholder nga nagkahiusa sa pagpalambo sa disability rights ug inclusion sa Dipolog City.
Pinaagi sa maong selebrasyon, gipadayon sa lungsod ang panaw ngadto sa mas inklusibo nga komunidad diin ang mga PWDs dili lamang tagaan og proteksyon, kondili hatagan usab og aktibong papel ug patas nga oportunidad sa pag-apil sa kalamboan sa katilingban.(IKEN B. GULLEM)
Source: Dipolog City Government