Gipahigayon niadtong Septiyembre 10, 2026, ang coordination meeting alang sa mga piniling empleyado sa City Government of Dipolog nga mo-representar sa Dipolog City Delegation sa umaabot nga 17th Civil Service Commission Inter-Government Agency Sportsfest.
Ang miting gihimo sa Gallery 4, 2nd Floor, Museo Dipolog, ug gipangulohan ni Youth Sports and Development Council Chair Atty. Chandler O. Ruiz.
Gipunting sa miting ang mga preparasyon, koordinasyon, ug uban pang kinahanglanon alang sa partisipasyon sa delegasyon sa sportsfest nga ipahigayon sa Dapitan City gikan Septiyembre 14 hangtod 18, 2026.
Tumong sa preparasyon nga masiguro ang organisado ug hapsay nga partisipasyon sa Dipolog City Delegation sa maong inter-government agency sporting event.(IKEN B. GULLEM)
Source: Dipolog City Government