Nakigmiting ang mga delegado sa Adamson University kang Dipolog City Mayor Hon. Roberto Y. Uy niadtong Setyembre 10, 2026, aron hisgutan ang giplanong pagtukod ug pag-establisar sa Adamson University sa Dipolog City.
Kauban sa mga delegado sa maong miting sila Dapitan City Mayor Hon. Evelyn T. Uy ug Zamboanga del Norte Governor Hon. Darel Dexter T. Uy.
Gihisgutan atol sa miting ang mga plano sa unibersidad ug ang mga lakang alang sa koordinasyon tali sa Adamson University ug sa City Government of Dipolog isip pagpangandam sa umaabot nga operasyon niini sa siyudad.
Ang pag-establisar sa Adamson University sa Dipolog gilauman nga makadugang sa mga oportunidad sa pagkuha og dekalidad nga higher education alang sa mga kabatan-onan sa Dipolog ug sa kasikbit nga mga lungsod sa Zamboanga del Norte.
Gilauman usab nga ang presensya sa usa ka dugang nga institusyon sa higher education makatampo sa pagpalig-on sa Dipolog isip usa ka nag-uswag nga sentro sa edukasyon sa rehiyon.(IKEN B. GULLEM)
Source: Dipolog City Government