Nadugangan ang kagamitan sa Local Government Unit (LGU) sa Sindangan alang sa pagdumala sa basura human gipanalanginan ang bag-ong napalit nga garbage truck/garbage compactor sa munisipyo.
Gitumong ang bagong yunit aron mapalambo ang pagkolekta, pagdala ug husto nga pagdumala sa solid waste sa nagkalain-laing barangay sa Sindangan.
Ubos sa pagpanguna ni Municipal Mayor Hon. Glona G. Labadlabad, gilauman nga ang dugang nga garbage truck makatabang sa paghimo nga mas episyente ang serbisyo sa waste collection ug mas mapadayon ang kalimpyo ug kahapsay sa lungsod.
Gipasiugda usab sa LGU nga ang pagdugang sa maong kagamitan kabahin sa padayong paningkamot sa paghatag og mas maayong environmental services ug paghimo sa Sindangan nga mas limpyo, himsog ug komportable nga puy-anan alang sa mga residente.(IKEN B. GULLEM)
Source: Municipality of Sindangan