Gipahigayon sa Rizal Rural Health Unit o RHU ang Mothers’ Class aron mahatagan og importanteng impormasyon ug praktikal nga kahibalo ang mga inahan ug caregivers bahin sa pag-atiman sa kahimsog sa ilang pamilya.
Gipangulohan ang kalihokan ni NDP Genevieve Joy Buque, uban si Dr. KLyde Keenen Bingat isip Resource Speaker. Gihisgutan ang maternal ug child health, hustong nutrisyon, breastfeeding, hygiene ug sanitation, disease prevention, immunization ug family planning.
Gihatagan og gibug-aton sa health session ang papel sa mga inahan sa paghimo og hustong desisyon alang sa kahimsog sa ilang mga anak ug pamilya. Pinaagi sa saktong kahibalo, mas maandam sila sa pag-atiman ug pagpanalipod sa ilang pamilya batok sa mga sakit.
Pinaagi sa Mothers’ Class, padayon nga gipasiugda sa Rizal RHU ang health education isip kabahin sa pagpalig-on sa kahimsog sa mga pamilya ug pagtukod og mas himsog ug lig-on nga komunidad.(JENIFFER JR. DELICA)
Source: Rizal Rural Health Unit