Naghatag og skills enhancement training ang Dipolog City Police Station alang sa mga Barangay Tanod sa Barangay Barra, Dipolog City, aron mapalambo ang ilang kahibalo ug praktikal nga kahanas sa pagmintinar sa kalinaw, kahapsay ug kaluwasan sa komunidad.
Nagsilbing resource speaker si PEMS Fritz G. Abuso, CESPO, atol sa maong pagbansay ubos sa pagpanguna ni Punong Barangay Hon. Moman P. Apura. Usa sa mga sentrong hisgutan ang hustong ug legal nga paggamit sa handcuffing techniques.
Pinaagi sa maong training, gipalig-on ang kapasidad sa mga Barangay Tanod sa pagpatuman sa ilang mga katungdanan isip force multipliers sa law enforcement.
Gilauman nga ang dugang nga kahibalo ug kahanas sa mga tanod makatabang sa mas hapsay nga pagresponde sa mga insidente ug pagpalig-on sa peace and order sa Barangay Barra.(JENIFFER JR. DELICA)
Source: PNP Dipolog City Police Station