Nitubag dayon ang Shift B personnel sa Dapitan City Fire Station sa usa ka vehicular accident sa Barangay Talisay, Dapitan City, ubos sa pagpanguna ni FSINSP Rommel M. Rojas, REE, Acting City Fire Marshal.
Pag-abot sa mga EMS personnel, ilang gisiguro ang kaluwasan sa lugar ug gisusi ang usa ka pasyente nga conscious apan dili klaro ang tubag ug adunay mga timailhan sa pagkahubog. Nakaplagan sa inisyal nga assessment nga adunay samad sa wala nga kilay ug ibabaw nga ngabil, injury sa tuo nga kamot, ug mga abrasion sa wala nga siko, tuo nga tuhod ug wala nga tudlo sa tiil.
Gihatagan dayon ang pasyente og first aid ug wound care sa wala pa siya ibalhin ngadto sa ambulansya. Padayon usab nga gibantayan ang iyang kahimtang atol sa pag-andam alang sa transportasyon.
Gidala ang pasyente ngadto sa Dr. Jose Rizal Memorial Hospital alang sa dugang nga medical evaluation ug pagtambal, diin hapsay siyang giturn-over ngadto sa attending medical personnel.(JENIFFER JR. DELICA)
Source: BFP R9 Dapitan City Fire Station