Pormal nga gipresentar ni OIC–Assistant City ENRO Atty. Gratian Paul R. Tidor atol sa iyang courtesy visit kang Mayor Roberto Y. Uy kaniadtong Nobyembre 27, 2025 ang Award sa Excellence in Clean Water and Environmental Sustainability nga gihatag sa City Government of Dipolog.
Ang maong pasidungog nagpasabot sa lig-on nga komitment sa siyudad sa pagpalambo sa mga inisyatiba alang sa pagpanalipod sa kalikupan ug pagpromotar sa mga sustinableng praktis nga makatabang sa limpyo, luwas, ug berde nga Zamboanga Peninsula.
Giila usab ang Dipolog City isip aktibong Adopt-an-Estero Program Partner sa EMB-Region IX tungod sa padayon nga pag-atiman, pag-ayo, ug pagpanalipod sa mga kasapaan pinaagi sa kooperasyon sa komunidad ug ahensya sa gobyerno.
Nadawat ang maong mga pasidungog atol sa Environmental Awards Night kaniadtong Nobyembre 13, 2025 sa Garden Orchid Hotel, Zamboanga City.(IKEN B. GULLEM)
Source: Dipolog City Government